एकनाथ शिंदे तब्बल 45 मिनिटं ताटकळत, 'तो' तयारच नव्हता; गिरीश महाजनांची मध्यस्थी अन् जळगावात हायव्हॉल्टेज ड्रामा!

Jalgoan airport 45 min drama : नेतेमंडळीचा खोळंबा झाला तर मोठी अडचण होते. त्यात एखादा मंत्री असेल तर विषय वेगळा... मात्र, जळगावात अजब प्रकार पहायला मिळाला. जळगावात उपमुख्यमंत्र्यांना 45 मिनिटं ताटकळत उभं रहावं लागलं. मुक्ताईनगर येथील दौरा आटपून मुंबईला परतण्यासाठी उपमुख्यमंत्री एकनाथ शिंदे जळगाव विमानतळावर पोहोचले. मात्र, तिथे त्यांच्यासमोर एक अनपेक्षित अडथळा उभा राहिला. त्यांच्या विमानाचा वैमानिक, ज्याने उड्डाण करण्यास स्पष्ट नकार दिला. हा सर्व प्रकार जळगाव विमानतळावर घडला. या घटनेमुळे शिंदे यांना जवळपास 45 मिनिटे विमानतळावरच ताटकळत राहावे लागले.