विवस्त्र केलं, पायाची नखं उपसली, जळगावात सुलेमानला संतोष देशमुखांप्रमाणे संपवलं, नेमकं काय घडलं?

विजय वाघमारे, प्रतिनिधी जळगाव: जळगाव जिल्ह्याच्या जामनेर तालुक्यात एक धक्कादायक घटना उघडकीस आली आहे. इथं एक टोळक्याने सुलेमान पठाण नावाच्या २१ वर्षीय तरुणाची अमानुष हत्या केली आहे. आरोपी टोळक्याने सुलेमानला एका कॅफेतून ओढून तीन वेगवेगळ्या ठिकाणी घेऊन जात हत्या केली आहे. आरोपींनी सुलेमान पठाण या तरुणाला मस्साजोगचे सरपंच संतोष देशमुख यांच्याप्रमाणेच हालहाल करून मारले, असा गंभीर आरोप नातेवाईकांनी केला आहे. या हत्याकांडानंतर जामनेर पोलीस ठाण्याबाहेर मोठा तणाव निर्माण झाला होता.