Jalgaon News : बैलगाडी घेऊन चारा आणायला गेला तो परतलाच नाही; 13 वर्षीय मुलाच्या मृत्यूने खळबळ

गौरव पाटील हा सोमवारी दुपारी चारा आणण्यासाठी शेतात बैलगाडीने गेला होता. शेतात चारा घेवून येत असताना दुपारी अडीच वाजेच्या सुमारास बैलगाडी शेताच्या बांधावरून येत होती. त्यावेळी अचानक बैलगाडी उलटी झाला. यात बैलगाडीच्या कठड्याखाली गौरव दाबला गेला. त्यातच बैलांनी झटका दिल्याने लाकडी दुस्सर तुटली. यामुळे लोखंडी कठड्याला लावलेला लोखंडी विळा गौरवच्या कपाळात घुसला.

किराणा माल घेऊन घरी परतताना दुचाकी विद्युत पोलवर धडकून झालेल्या अपघातात दुचाकीस्वाराचा जागीच मृत्यू झाला. हा अपघात शिरसोली (ता.जळगाव) येथे घडला. कबीर भिवा चव्हाण (वय 44, रा. शिरसोली ता. जळगाव) असे मृत व्यक्तीचे नाव आहे. मृत कबीर हे एका खाजगी कंपनीत कामाला होते. ते शिरसोली गावात आई, पत्नी, 2 मुले, भाऊ यांच्यासोबत राहत होते. ते घरातील कर्ते पुरुष होते. त्यांच्या जाण्याने कुटुंबावर दुःखाचा डोंगर कोसळला आहे. एमआयडीसी पोलीस ठाण्यात अकस्मात मृत्यूची नोंद करण्यात आली.