सुलेमान पठाण हत्याकांडात नवा ट्विस्ट, हल्लेखोर पुरते अडकणार, पोलिसांकडून मोठा निर्णय
- Published by:Ravindra Mane
Last Updated:
जळगाव जिल्ह्यातील जामनेर तालुक्यात सुलेमान पठाण (वय २०) या तरुणाच्या हत्या प्रकरणात आता नवा ट्विस्ट आला आहे.
विजय वाघमारे, प्रतिनिधी जळगाव : जळगाव जिल्ह्यातील जामनेर तालुक्यात सुलेमान पठाण (वय २०) या तरुणाच्या हत्या प्रकरणात आता नवा ट्विस्ट आला आहे. या प्रकरणात पोलिसांनी 'मॉब लिंचिंग'चे कलम लावल्यामुळे गुन्ह्याचे गांभीर्य वाढले आहे. पोलिसांनी आतापर्यंत या प्रकरणात आठ संशयितांना अटक केली असून, नातेवाईकांच्या मागणीनुसार या प्रकरणाचा तपास करण्यासाठी विशेष तपास पथक (SIT) स्थापन केले जाणार असल्याची माहिती जिल्हा पोलीस अधीक्षक डॉ. महेश्वर रेड्डी यांनी दिली आहे.
नेमके काय घडले?
पोलिसांनी दिलेल्या प्राथमिक माहितीनुसार, सुलेमान पठाण हा तरुण एका अल्पवयीन मुलीसोबत एका कॅफेत बसला होता. याचवेळी काही तरुणांनी त्याला मारहाण केली. या मारहाणीत सुलेमानच्या डोक्याला गंभीर दुखापत झाली आणि त्यातच त्याचा मृत्यू झाला. ही घटना समोर आल्यानंतर परिसरात तणावाचे वातावरण निर्माण झाले होते. पोलिसांनी तात्काळ कारवाई करत आठ संशयितांना अटक केली आहे.
advertisement
गुन्ह्यात मॉब लिंचिंगचे कलम
या घटनेच्या तपासादरम्यान पोलिसांनी भारतीय दंड विधान कलम ३०२ (हत्या) सह इतर कलमे लावली आहेत. मात्र, आता या प्रकरणात जमावाने केलेल्या मारहाणीमुळे 'मॉब लिंचिंग'चे कलम देखील लावण्यात आले आहे. यामुळे या गुन्ह्याचे स्वरूप अधिक गंभीर झाले आहे. या कलमामुळे आरोपींना कठोर शिक्षा होण्याची शक्यता वाढली आहे.
advertisement
एसआयटी तपास करणार
सुलेमानच्या नातेवाईकांनी या प्रकरणाचा सखोल तपास करण्याची मागणी केली होती. त्यांची ही मागणी लक्षात घेऊन जिल्हा पोलीस अधीक्षक डॉ. महेश्वर रेड्डी यांनी या प्रकरणासाठी विशेष तपास पथक (SIT) स्थापन करण्याची घोषणा केली आहे. हे पथक या घटनेच्या सर्व बाजूंचा तपास करणार असून, आरोपींना लवकरच शिक्षा होईल अशी ग्वाही त्यांनी दिली आहे. या घटनेमुळे जामनेर तालुक्यात खळबळ उडाली असून, पोलीस पुढील तपास करत आहेत.
view commentsLocation :
Jalgaon,Maharashtra
First Published :
August 14, 2025 12:03 PM IST
मराठी बातम्या/महाराष्ट्र/जळगाव/
सुलेमान पठाण हत्याकांडात नवा ट्विस्ट, हल्लेखोर पुरते अडकणार, पोलिसांकडून मोठा निर्णय
