आता घोडा मैदान जवळच त्यामुळं...; बच्चू कडूंचा राणांवर जोरदार पलटवार
- Published by:Ajay Deshpande
Last Updated:
बच्चू कडू यांनी रवी राणा यांच्या टीकेला प्रत्युत्तर देताना जोरदार हल्लाबोल केला आहे.
जळगाव, 17 सप्टेंबर, नितीन नांदूरकर : सध्या आमदार बच्चू कडू आणि आमदार रवी राणा यांच्यामध्ये चांगलाच कलगीतुरा रंगला आहे. एकमेकांविरोधात आरोप-प्रत्यारोप सुरू आहेत. दरम्यान पुन्हा एकदा आमदार बच्चू कडू यांनी रवी राणा यांच्यावर जोरदार हल्लाबोल केला आहे. आता घोडा मैदान जवळ आहे, कोण काय करते ते पाहू असं प्रत्युत्तर बच्चू कडू यांनी रवी राणा यांच्या टीकेला दिलं आहे.
नेमकं काय म्हणाले बच्चू कडू?
ते ब्लॅकमेलिंग करून मंत्रिपद मिळवता असा आरोप रवी राणा यांनी बच्चू कडू यांच्यावर केला होता. आता यावर प्रतिक्रिया देताना बच्चू कडू यांनी रवी राणांवर जोरदार हल्लाबोल केला आहे. आम्हाला दिव्यांग मंत्रालय दिलं म्हणून आमचा एकनाथ शिंदे यांना पाठिंबा आहे. दिव्यांग मंत्रालय दिलं नसतं तर आम्ही कधीच बाहेर पडलो असतो, असं वक्तव्य बच्चू कडू यांनी केलं आहे. पुढे बोलताना ते म्हणाले की, आता घोडा मैदान जवळ आहे, कोण काय करते ते पाहू. विनाकारण वादात उडी टाकण्यापेक्षा कामाला प्राधान्य द्यायचं आहे.
advertisement
यावेळी बोलताना त्यांनी काल मराठवाड्यासाठी जाहीर झालेल्या पॅकेजवर देखील प्रतिक्रिया दिली आहे. सभागृहात फक्त टाळ्या वाजविण्यासाठी भाषणं होतात, मते घेण्यासाठी घोषणा होतात, मात्र अंमलबजावणी होत नाही. सुधीर मुनगंटीवार यांनी शहीद स्थळांसाठी 25 लाख रुपये देण्याची घोषणा केली होती. अजित पवार यांनी देखील अनेक घोषणा केल्या, मात्र त्याची अंमलबजावणी झाली नाही, असं बच्चू कडू यांनी म्हटलं आहे.
Location :
Jalgaon,Maharashtra
First Published :
Sep 17, 2023 1:52 PM IST
