धक्कादायक! जीवंत शेतकऱ्याचं नाव शहीद जवानाच्या शिलालेखात, आमदार अनावरणाला आले अन्...

जळगाव, 18 ऑगस्ट, नितीन नांदूरकर : चाळीसगावमधून एक अजब प्रकार समोर आला आहे. शहीद जवानांच्या नावे असलेल्या शिलालेखात चक्क जिवंत शेतकऱ्याचा शहीद जवान म्हणून उल्लेख करण्यात आला आहे. 15 ऑगस्ट रोजी आमदारांच्या हस्ते या शिलालेखाचं अनावरण झालं. शहीद जवानांसाठी बनवण्यात आलेल्या शिलालेखात आपलं नाव पाहून या शेतकऱ्याला धक्का बसला आहे. त्याने याबाबत नाराजी व्यक्त केली आहे. दरम्यान  पंचायत समिती प्रशासनाला जाब विचारला असता त्यांनी या प्रकरणात कुठलीही माहिती न देता या शिलालेखावरून शेतकऱ्याचं नाव हटवलं आहे.