Maharashtra politics : चव्हाणांनतर आता नाथाभाऊंच्या भाजप प्रवेशाची चर्चा; खडसेंचा मोठा खुलासा, कार्यकर्त्यांनाही आवाहन

जळगाव, इम्जियाज अहमद, प्रतिनिधी : माजी मुख्यमंत्री अशोक चव्हाण यांनी काँग्रेसचा राजीनामा दिला आहे. ते आज भाजपमध्ये प्रवेश करणार आहेत. हा काँग्रेसाठी मोठा धक्का मानला जात आहे. दरम्यान दुसरीकडे राष्ट्रवादी शरदचंद्र पवार पक्षाचे नेते एकनाथ खडसे देखील भाजपात प्रवेश करणार असल्याची चर्चा सुरू आहे. यावर आता स्वत: एकनाथ खडसे यांनी ट्विट करत खुलासा केला आहे. 'माझ्याबद्दल संभ्रम निर्माण व्हावा यासाठी अशा अफवा पसरविल्या जात आहेत' असं एकनाथ खडसे यांनी म्हटलं आहे.