Assembly Election : मोठी बातमी! महायुतीमध्ये राष्ट्रवादीला हव्यात विधानसभेच्या इतक्या जागा

जळगाव, नितीन नांदूरकर प्रतिनिधी : लोकसभा निवडणुकीची रणधुमाळी संपली आहे. देशात पुन्हा एकदा एनडीएचं सरकार आलं आहे, दरम्यान आता राजकीय पक्षांना वेध लागले आहेत ते म्हणजे विधानसभा निवडणुकीचे. महाराष्ट्रात विधानसभा निवडणूक आता अवघ्या काही महिन्यांवर येऊन ठेपली आहे. महायुतीविरोधात महाविकास आघाडी अशी लढत यावेळी पाहायला मिळण्याची शक्यता आहे. दरम्यान त्यापूर्वी महायुतीचा घटक पक्ष असलेल्या राष्ट्रवादीकडून विधानसभेच्या जागावाटपाबाबत मोठं वक्तव्य करण्यात आलं आहे. राष्ट्रवादीकडून विधानसभेच्या 80 जागांवर दावा करण्यात आला आहे. राष्ट्रवादीचे नेते आणि मंत्री अनिल पाटील यांनी विधानसभेच्या जागावाटपाबाबत मोठं वक्तव्य केलं आहे.