मराठा कार्यकर्ते म्हणून जरांगे पाटलांच्या ताफ्यात फिरायचे चोर, पोलिसांनी 5 जणांना केली अटक

मराठा समाजाचे नेते मनोज जरांगे पाटील यांच्या जळगाव जिल्ह्यात विविध ठिकाणी जाहीर सभा पार पडल्या. यात मनोज जरांगे पाटील यांच्या कॅनवामध्ये मराठा कार्यकर्ता असल्याच भासवत ते फिरायचे. सभांमध्ये पाकीट तसेच दागिन्यांची चोरी करणाऱ्या मालेगाव शहरातील पाच जणांच्या टोळीला जळगाव पोलिसांनी अटक केली आहे . या पाच जणांविरुद्ध भुसावळ व जामनेर पोलीस ठाण्यात गुन्हे दाखल करण्यात आले आहेत.

पोलिसांनी संशयीतांकडून एक चारचाकी, आठ मोबाईल व एक लाख ८० हजार रुपयांची रोकड असा मुद्देमाल जप्त करण्यात आला आहे. मराठा समाजाचे कार्यकर्ते म्हणून पांढरे कपडे घालून मनोज जरांगे पाटील यांच्या कॅनवामध्ये चोर घुसायचे. पोलिसांनी अटक केल्यानंतर पाच जणांकडून चारचाकीसह , 1 लाख 80 हजारांची रोख, 8 मोबाईल हस्तगत केले आहेत.