नाकाबंदीवरील पोलीस पाहताच वळवली कार, मध्यरात्री सिनेस्टाईल पाठलाग, जळगावमध्ये मोठा कांड उघड

विजय वाघमारे, प्रतिनिधी धरणगाव: जळगाव जिल्ह्याच्या धरणगाव परिसरात मध्यरात्री नाकाबंदीवर असणाऱ्या पोलिसांनी मोठी कारवाई केली आहे. पोलिसांनी एका कारचा पाठलाग करून कारमधून तब्बल ४० किलो गांजा जप्त केला आहे. रात्री पोलीसांनी संबंधित कारला रोखण्याचा प्रयत्न केला असता आरोपीने पळ काढला. कारमध्ये काहीतरी संशयास्पद असल्याचं लक्षात आल्यानंतर पोलिसांनी कारचा पाठलाग सुरू केला. यानंतर कारमध्ये पोलिसांना ४० किलो गांजा आढळून आला. पण यावेळी कारमधील दोघेजण अंधाराचा फायदा घेऊन फरार झाले.