सावधान! अनोळखी व्हॉट्सअ‍ॅप ग्रुपमध्ये जॉइन होत आहात? जळगावात महिलेसोबत घडलं भयानक कांड, 1 कोटी रुपये गमावले

घटनेबाबत अधिक माहिती अशी की, सोनल उपलवार यांना व्हॉट्सअ‍ॅपच्या एका ग्रुपला जॉइन होण्यास सांगितलं. त्यानंतर ट्रेडिंगच्या नावाखाली त्यांच्याकडून वेळोवेळी पैसे उकळण्यात आले. पैसे गुंतवण्याच्या नावाखाली उपलवार यांना तब्बल 1 कोटी 5 लाख 34 हजार रुपयांचा गंडा घालण्यात आला आहे. सोनल यांचे पती, सासू आणि नणंदेच्या बँकखात्यातून देखील रक्कम उकाळण्यात आली आहे. या ऑनलाईन फसवणुकीप्रकरणी चार जणांविरोधात सायबर पोलीस ठाण्यात गुन्हा दाखल करण्यात आला आहे.

जळगावातील हरेश्वरनगरमधील रहिवासी असलेल्या सोनल उपलवार यांचा व्हॉट्सअ‍ॅप क्रमांक एका ग्रुपमध्ये अ‍ॅड करण्यात आला. त्यानंतर तिघांनी  व्हॉट्सअ‍ॅपच्या माध्यमातून त्यांना मेसेज करत त्यांच्याकडून ट्रेडिंगच्या नावाखाली वेळोवेळी पैसे उकळण्यात आले. 16 फेब्रुवारी ते 28 मार्च दरम्यान सोनल यांच्यासह त्यांचे पती, नणंद आणि सासूच्या बँक खात्यातून तब्बल 1 कोटी 5 लाख 34 हजार रुपये उकळण्यात आले आहेत. फसवणूक झाल्याचे लक्षात येताच या प्रकरणात चार जणांविरोधात गुन्हा दाखल करण्यात आला आहे.