जालन्यात संचारबंदी! निवडणूक निकाल जाहीर होताच मोठा निर्णय, कारण काय?

जालना: नुकतेच राज्यातील महापालिका निवडणुकीचे निकाल जाहीर झाले. यानंतर दुसऱ्याच दिवशी जालन्यात संचारबंदी आदेश लागू करण्यात आले आहेत. धनगर आरक्षण आंदोलक दीपक बोऱ्हाडे यांना मुंबईतील आझाद मैदान इथे उपोषण आंदोलनास उच्च न्यायालयाने परवानगी नाकारली आहे. याचे पडसाद जालना आणि अंबड शहरात उमटण्याची शक्यता आहे. याच पार्श्वभूमीवर कायदा व सुव्यवस्था अबाधित राखण्यासाठी जिल्हाधिकारी आशिमा मित्तल यांनी जालना आणि अंबड शहरात संचारबंदी आदेश जारी केला आहे. हे आदेश शनिवारी पहाटे 5 ते रात्री 12 वाजेपर्यंत लागू राहणार आहेत.