Manoj Jarange Patil Maharashtra Elections : निवडणूक जाहीर होताच जरांगेंनी शड्डू ठोकला, ''आम्ही आता मैदानात येतोय...''

जालना :  राज्यात विधानसभेची निवडणूक जाहीर झाल्यानंतर आता मराठा आरक्षण आंदोलक मनोज जरांगे पाटील यांनी आता शड्डू ठोकला आहे. मराठा आरक्षणाबाबत निवडणूक जाहीर होण्यापूर्वी सरकारने निर्णय घ्यावा, अशी मागणी जरांगेंनी केली होती. पण, मराठा आरक्षणाबाबत कोणताही निर्णय झाल्याने मनोज जरांगे यांनी संताप व्यक्त केला आहे. निवडणूक आचारसंहिता लावून मराठ्यांचे वाटोळे केले आहे. सरकारने मराठ्यांच्या आक्रोशाकडे दुर्लक्ष केले असल्याचे जरांगे पाटील यांनी म्हटले. आता, विधानसभेच्या निवडणुकीत आपलं एकही मत वाया जाता कामा नये असे आवाहन जरांगे यांनी केले.