‘माझ्यासोबत लग्न कर’, महिला पोलिसाला कॉल करून बोलावलं अन्..., जालन्यात धक्कादायक प्रकार

महिला पोलीस सध्या नागपूर पोलिस दलात काम करत आहेत. गावात मुलगा पाहण्यासाठी येणार असल्याने त्या गावी आल्या होत्या. तेव्हा आरोपी प्रशिक्षक गोकुळ फुलसिंग बारवाल याने संबंधित महिला पोलिसाला कॉल करून बोलवून घेतले. “माझ्याशी लग्न कर, अन्यथा सोशल मीडियावर बदनामी करेन” अशी धमकी दिली. तसेच इन्स्टाग्रामवर फोटो व्हायरल करून बदनामी केल्याची तक्रार महिला कॉन्स्टेबलने दिली आहे.

दरम्यान, करिअर अकॅडमीतील ओळखीतून सोबत काढलेला फोटो व्हायरल करत बदनामी केल्याप्रकरणी हा गुन्हा दाखल करण्यात आला आहे. पोलीस निरीक्षक संतोष घोडके अधिक तपास करत आहेत.