Jalna News: रस्ता ना वीज, प्रसूतीसाठी 2 किमीची पायपीट, जालन्यातील या गावात मुलभूत सुविधांचा आजही अभाव

जालना: आपला भारत देश यशाची नवनवी शिखरे गाठत आहे. नुकताच भारत जगातील चौथ्या क्रमांकाची अर्थव्यवस्था बनला आहे. देशाची वाटचाल एकीकडे महासत्ता होण्याकडे सुरू असताना आजही काही गावांमध्ये, वाड्या वस्त्यांमध्ये, मूलभूत सुविधांचा अभाव आहे. जालना जिल्ह्यातील मांडवा गावातील गायरान वस्ती ही 400 ते 500 लोकांची वस्ती देखील त्यापैकीच एक. मागील दोन महिन्यांपासून या गावातून वीज गायब आहे. गावातील लोकांना महिलांच्या प्रसूतीसाठी दोन किमी अंतरापर्यंत गाडी बैलात प्रवास करावा लागतो. लोकल 18 च्या प्रतिनिधीने मांडवा येथील ग्रामस्थांच्या व्यथा जाणून घेण्याचा प्रयत्न केला पाहुयात.