मनोज जरांगे हिंदुत्व तोडण्यासाठी निघालेला राक्षस, कालीचरण महाराज यांचे वादग्रस्त वक्तव्य

छत्रपती संभाजीनगर : हिंदूंमध्ये फूट पाडण्याचे इकडे एक आंदोलन सुरू होते. त्या आंदोलनाची खूप जोरदार हवा होती. मुंबईत तुफान गर्दी झाली होती. त्यांच्या नेत्याने दर्ग्यावर जाऊन चादर चढवली. जातीवरुन आरक्षण मागत होता. आरक्षण वगैरे नाही, त्याला हिंदुत्व तोडायचे होते. हिंदुत्व तोडायला निघालेला हा राक्षस आहे... असे वादग्रस्त वक्तव्य कालीचरण महाराज यांनी केले. मराठा आरक्षणासाठी गेली दोन वर्षे लढणारे मनोज जरांगे यांच्यावर केलेल्या टीकेने मराठवाड्यातील निवडणुकीची समीकरणे बदलणार का? हे पाहणे महत्त्वाचे ठरणार आहे.