kalyan : भटका कुत्रा चावला, पण जखम किरकोळ समजून दुर्लक्ष केलं, तरूणाचा धक्कादायक मृत्यू

Kalyan News : एखादा भटका कुत्रा चावला की आपण लगेचच डॉक्टरकडे जाऊन इंजेक्शन घेतो. कारण त्या प्राण्याचे विष आपल्याला शरीरात जाऊ नये किंवा एखादा गंभीर आजार होऊ नये यासाठी आपण काळजी घेत असतो. पण या प्रकरणात एका तरूणाने कुत्रा चावल्याच्या घटनेकडे दुर्लक्ष केल्याने त्याचा दुदैवी मृत्यू झाल्याची घटना घडली आहे. शूभम चौधरी असे या मृत तरूणाचे नाव आहे.शुभमच्या या मृत्यूनंतर कुटुंबियांवर दु:खाचा डोंगर कोसळला आहे. या घटनेनंतर नागरीकांमध्ये संतापाची लाट पसरली असून शहरात भटक्या कुत्र्यांचा प्रश्न ऐरणीवर आला आहे.