जोतिबा यात्रेसाठी प्रशासनाची वाहतूक नियोजनावर करडी नजर, अशी आहे पार्किंग व्यवस्था

कोल्हापूर : कोल्हापूर जिल्ह्यातील वाडी रत्नागिरी येथील दख्खनचा राजा श्री जोतिबा यात्रा अवघ्या काहीच तासांवर येऊन ठेपली आहे. शनिवारी संपन्न होणाऱ्या या यात्रेसाठी महाराष्ट्र, कर्नाटक आणि इतर राज्यांतून लाखो भाविक दर्शनाला येणार आहेत. भाविकांची वाढती संख्या आणि वाहतूक कोंडी टाळण्यासाठी प्रशासनाने यंदा 33 ठिकाणी वाहन पार्किंगची सोय केली आहे. गायमुख इनाम येथे चारचाकी वाहनांसाठी मोठा वाहनतळ उपलब्ध करून देण्यात आला आहे. प्रशासनाने भाविकांना सूचनांचे पालन करून वाहने योग्य ठिकाणी पार्क करण्याचे आवाहन केले आहे.