कोल्हापूर ते नागपूर आता थेट हवाई प्रवास, हैद्राबात, बंगळूर फक्त काही तासांत, पाहा वेळापत्रक

कोल्हापूर-नागपूर-कोल्हापूर ही विमानसेवा आठवड्यातील पाच दिवस - मंगळवार, बुधवार, गुरुवार, शुक्रवार आणि शनिवार - उपलब्ध असेल. या सेवेत 12 बिझनेस क्लास आणि 64 इकोनॉमी क्लास अशी एकूण 76 आसनांची व्यवस्था आहे.

नागपूर ते कोल्हापूर: सकाळी 10:00 वाजता उड्डाण, सकाळी 11:30 वाजता कोल्हापुरात आगमन.

कोल्हापूर-हैदराबाद आणि कोल्हापूर-बंगळुरू या मार्गांवरील विमानसेवाही शुक्रवारपासून सुरू होत आहेत. या सेवा मंगळवार, बुधवार आणि रविवारी उपलब्ध असतील.

हैदराबाद ते कोल्हापूर: सकाळी 9:35 वाजता उड्डाण, सकाळी 10:40 वाजता कोल्हापुरात आगमन.

कोल्हापूर ते बंगळुरू: सकाळी 11:05 वाजता उड्डाण, दुपारी 12:35 वाजता बंगळुरूमध्ये आगमन.

या नव्या विमानसेवांमुळे कोल्हापूर आता नागपूर, हैदराबाद आणि बंगळुरूसारख्या महत्त्वाच्या शहरांशी हवाई मार्गाने जोडले गेले आहे. कोल्हापूर हे पश्चिम महाराष्ट्रातील उद्योग, शिक्षण आणि पर्यटनाचे प्रमुख केंद्र आहे. येथील साखर उद्योग, वस्त्रोद्योग आणि पर्यटन क्षेत्राला या सेवांचा मोठा फायदा होईल. तसेच, कोल्हापूरच्या विमानतळाचा वापर वाढल्याने स्थानिक अर्थव्यवस्थेलाही चालना मिळेल.

या विमानसेवांच्या घोषणेनंतर कोल्हापूरकरांमध्ये उत्साहाचे वातावरण आहे. स्थानिक व्यापारी आणि प्रवासी यांनी या सेवांचे स्वागत केले आहे. स्टार एअरवेजचे योगदानस्टार एअरवेजने कोल्हापूरसारख्या मध्यम आकाराच्या शहरांना देशातील प्रमुख शहरांशी जोडण्यासाठी पुढाकार घेतला आहे. कंपनीच्या या प्रयत्नांमुळे कोल्हापूरचा विकास आणि कनेक्टिव्हिटी वाढण्यास मदत होणार आहे. येत्या काळात आणखी काही मार्गांवर विमानसेवा सुरू होण्याची शक्यताही वर्तवली जात आहे.कोल्हापूरच्या नागरिकांनी या नव्या विमानसेवांचा जास्तीत जास्त लाभ घ्यावा, असे आवाहन स्टार एअरवेजने केले आहे. बुकिंग आणि अधिक माहितीसाठी स्टार एअरवेजच्या अधिकृत संकेतस्थळाला भेट द्यावी.