Health Check-up: ना कसली डिग्री ना सर्टिफिकेट तरीही केली आरोग्य तपासणी! इचलकरंजीत धक्कादायक प्रकार

कोल्हापूर: जिल्ह्यातील इचलकरंजीत एक धक्कादायक प्रकार उघडकीस आला आहे. अधिकृत मेडिकल डिग्री किंवा परवाना नसताना सहा जणांची टोळी नागरिकांची आरोग्य तपासणी करत फिरत होते. या घटनेमुळे शहरात खळबळ उडाली आहे. संबंधित आरोपी रत्नोत्रय आयुर हेल्थ केअर उचगाव (ता. करवीर, जि. कोल्हापूर) या नावाने नागरिकांची आरोग्य तपासणी व औषध विक्री करत होते. याबाबत महापालिकेचे वैद्यकीय अधिकारी डॉ. सुनीलदत्त संगेवार यांनी गावभाग पोलिसांना तक्रार दिली होती. हा प्रकार इचलकरंजीतील पि. बा. पाटील मळ्यात सुरू होता.