Kolhapue Crime : खेकड्यांच्या शिकारीसाठी गेले अन् स्वतःच शिकार झाले; कोल्हापुरात सख्ख्या भावांचा धक्कादायक मृत्यू

पाोलीसांकडून मिळालेल्या माहितीनूसार वन्य प्राण्यांची तलावाच्या जवळ विजेचा शॉक देऊन चोरट्या शिकारी केल्या जातात. चोरट्या शिकारीचे भिंग फुटू नये म्हणून पाच संशयितांनी नुकत्याच घडलेल्या घटनेनंतर मृत दोघा सख्ख्या भावांचे मृतदेह पावनगडावरून खाली फेकून दिले होते. पोलीस आणि गावकऱ्यांच्या शोध मोहिमेत झुडपात फेकून दिलेल्या दोघा भावांचे मृतदेह आज सोमवारी हाती लागले. जोतिराम सदाशिव कुंभार (वय 64) आणि नायकू सदाशिव कुंभार (वय 60) अशी मृत दोघा सख्या भावांची नावे आहेत.

त्यांचे नातेवाईक व गावकरी गेल्या चार दिवसांपासून त्यांचा शोध घेत होते. या प्रकरणी 5 जणांना ताब्यात घेतल्याची माहिती पोलिसांनी दिली. पन्हाळा विभागाचे पोलीस या घटनेची कसून चौकशी करीत आहेत. यात आणखी आरोपी आहेत का? कधीपासून अशी चोरटी शिकार सुरू आहे? याला प्रशासनाकडून काही पाठबळ मिळतंय का? अशा अनेक प्रश्नांची उकल होण्याची शक्यता आहे.