आत एक बाहेर एक असं अजितदादा कधीच..; उद्धव ठाकरेंच्या 'त्या' टीकेवर मुश्रीफांचा पलटवार

कोल्हापूर, 12 नोव्हेंबर, ज्ञानेश्वर साळोखे : काही दिवसांपूर्वी उपमुख्यमंत्री अजित पवार यांची प्रकृती बिघडली होती. त्यांना डेंग्यूची लागण झाल्याचं समोर आलं. मात्र त्यानंतर बरं  वाटल्यानंतर दोन दिवसांपूर्वी त्यांनी अचानक दिल्ली दौरा करत केंद्रीय गृहमंत्री अमित शाह यांची भेट घेतली. यावर उद्धव ठाकरे यांना प्रश्न विचारण्यात आला असता त्यांनी अजित पवार यांना चिमटा घेतला आहे. अजितदादांशी माझा संपर्क नाही, त्यामुळे त्यांना कोणता ताप आलाय माहिती नाही. त्यांना ताप आहे की, सहकाऱ्यांचा मनस्ताप असा टोला उद्धव ठाकरे यांनी अजित पवार यांना लगावला होता. आता या टीकेला राष्ट्रवादी अजित पवार गटाचे नेते हसन मुश्रीफ यांनी प्रत्युत्तर दिलं आहे.