Krushi Market Rate: आवक शेकड्यानं वाढली, शेतमालांचे भाव गडगडले; सध्याचे भाव किती?

मक्याचे दर गडगडले: राज्याच्या कृषीमार्केट मध्ये आज एकूण 1043 क्विंटल मक्याची आवक झाली. यापैकी बुलढाणा मार्केटमध्ये 1030 क्विंटल सर्वाधिक आवक झाली. त्यास प्रतीनुसार कमीत कमी 20 ते जास्तीत जास्त 1500 रुपये प्रतिक्विंटल बाजार भाव मिळाला. तसेच पुणे मार्केटमध्ये आवक झालेल्या 13 क्विंटल मक्यास 1600 ते 1700 रुपये सर्वाधिक बाजारभाव मिळाला.

कांद्याचे भाव भुईसपाट: राज्याच्या मार्केटमध्ये 45 हजार 619 क्विंटल कांद्याची एकूण आवक झाली. यापैकी 18 हजार 966 क्विंटल सर्वाधिक आवक पुणे बाजारात झाली. त्यास प्रतीनुसार 475 ते 1525 रुपयांपर्यंत बाजार भाव मिळाला. तसेच अहिल्यानगर मार्केटमध्ये आवक झालेल्या 14 हजार 433 क्विंटल लाल कांद्यास 200 ते 2400 रुपये दरम्यान सर्वाधिक बाजारभाव मिळाला.

सोयाबीनची आवक कमी: राज्याच्या मार्केटमध्ये 370 क्विंटल सोयाबीनची एकूण आवक झाली. यापैकी बुलढाणा मार्केटमध्ये 300 क्विंटल आवक राहिली. त्यास प्रतीनुसार 4000 ते 4600 रुपये प्रतिक्विंटल बाजार भाव मिळाला. तसेच छत्रपती संभाजीनगर मार्केटमध्ये आवक झालेल्या 7 क्विंटल पिवळ्या सोयाबीनला प्रतीनुसार 3700 ते 4336 रुपये प्रमाणे सर्वाधिक बाजारभाव मिळाला.