Maharashtra politics : भाजपला राज्यात मोठा धक्का; नेत्यानं सोडली साथ

लातूर, नितिन बनसोडे, प्रतिनिधी : ऐन विधानसभा निवडणुकीच्या तोंडावर महायुतीला धक्क्यावर धक्के बसत आहेत. शनिवारी राष्ट्रवादी अजित पवार गटाचे आमदार बाबाजानी दुर्राणी यांनी उपमुख्यमंत्री अजित पवार यांची साथ सोडत राष्ट्रवादी शरद पवार गटात प्रवेश केला. त्यानंतर आता भाजपला देखील मोठा धक्का बसला आहे. उदगीर मतदारसंघात भाजपसाठी हा दुसरा धक्का आहे. काही दिवसांपूर्वीच माजी आमदार सुधाकर भालेराव यांनी भाजपची साथ सोडत हाती तुतारी घेतली होती, त्यांतर आता भाजपचे ग्रामीण जिल्हा उपाध्यक्ष  लक्ष्मीकांत पाटील कौळखेडकर यांनी पक्षाचा राजीनामा दिला असून, त्यांनी आगामी विधानसभा निवडणूक काँग्रेसकडून लढवण्याची इच्छा व्यक्त केली आहे.