Mora-Mumbai Ro-Ro : मोरा बंदर ते मुंबईला जोडणाऱ्या रो-रो सेवेचा मुहूर्त सापडला; वाहतूक कोंडी टाळून प्रवास होणार मिनिटांत

मुंबई : उरण तालुक्यातील प्रसिद्ध मोरा बंदर ते मुंबईच्या भाऊचा धक्का यांना जोडणारी रो-रो सेवा अनेक वर्षांपासून रखडलेली आहे. तब्बल 75 कोटी रुपयांच्या खर्चाने सुरू असलेले हे काम आता अखेर वेग घेणार असून एप्रिल 2026 पर्यंत पूर्ण होईल अशी माहिती महाराष्ट्र मेरिटाइम बोर्डाच्या अधिकाऱ्यांनी दिली आहे. अनेकदा मुदतवाढ मिळूनही ही सेवा सुरू होऊ शकली नव्हती. परंतु आता दिलेला हा नवा मुहूर्त अंतिम ठरेल अशी आशा व्यक्त केली जात आहे.