नागपुरात सापडलेले 1,50,00,000 कुणाचे? निवडणुकीच्या धामधुमीत पोलिसांच्या हाती मोठं घबाड

नागपुर : आगामी विधानसभा निवडणुकीसाठी राज्यात एकीकडे सभांचा धडाका सूरू आहे.तर दुसरीकडे अनेक जिल्ह्यात पैसे सापडल्याच्या घटना घडतायत.कधी व्हॅनमध्य़े तर कधी कारमध्ये पैसे सापडल्याच्या या घटना उघडकीस आल्या आहेत. विशेष म्हणजे ही छोटी मोठी रक्कम नाही आहे, तर कोटींच्या घरात ही रक्कम सापडते आहे. आता अशीच रक्कम नागपुरात पोलिसांनी जप्त केली आहे. पोलिसांनी तब्बल 1 कोटी 35 लाखाची रक्कम ताब्यात घेतली आहे. यासह एका आरोपीला अटक केली आहे.आता हे पैसे निवडणुकीत वाटप करण्यासाठी नेले जात होती की इतर काही कारण याचा तपास पोलीस करीत आहेत.