CM Eknath Shinde : लाडकी बहीण योजना ते मविआवर बोचरा, CM शिंदे यांच्या मुलाखतीमधील ठळक मुद्दे

मुंबई : राज्यात विधानसभा निवडणुकीची धामधूम सुरू झाली आहे. या विधानसभा निवडणुकीच्या रणधुमाळीतील मुख्यमंत्री एकनाथ शिंदे यांनी 'न्यूज 18 लोकमत'ला एक्सक्लुझिव्ह मुलाखत दिली. यावेळी मुख्यमंत्री एकनाथ शिंदे यांनी महायुती सरकारच्या कामांची यादी सादर करताना मागील महाविकास आघाडीवरही जोरदार टीकास्त्र सोडले. विधानसभेच्या रणधुमाळीतील मुख्यमंत्र्यांनी आपल्या पहिल्याच मुलाखतीत शिवसेना आणि महायुतीच्या प्रचाराची दिशा स्पष्ट केल्याचे दिसून आले. मुख्यमंत्री एकनाथ शिंदे यांनी म्हटले की, महायुतीमध्ये जागा वाटपा समन्वयाने करण्यात आले आहे. लोकसभा निवडणुकीच्यावेळी विरोधकांकडून फेक नरेटिव्ह करण्यात आला. मात्र, सारखंसारखं फेक नरेटिव्ह करता येत नसल्याचेही मुख्यमंत्री एकनाथ शिंदे यांनी म्हटले.