Maharashtra Elections : भांडून विदर्भात अधिक जागा घेतल्या पण गणित बिघडलं, काँग्रेस नेत्याने काय म्हटले?

अमित उदयतिमांडे, प्रतिनिधी, नागपूर :  विधानसभा निवडणुकीसाठी महाविकास आघाडीत जागा वाटपावरून तिढा निर्माण झाला होता. जागा वाटपाचा तिढा हा विदर्भातील 62 जागांच्या वाटपावर अधिकच झाला होता. विदर्भातील जागांवरुन काँग्रेस आणि शिवसेना ठाकरे गटामध्ये वादही झाला होता. काँग्रेस प्रदेशाध्यक्ष नाना पटोले आणि ठाकरे गटाचे नेते संजय राऊत यांच्यात खटके उडाल्याचे वृत्त होते. अखेर काँग्रेस हायकमांडने लक्ष घालत या वादावर पडदा टाकला. मात्र, ज्या विदर्भात काँग्रेसने भांडून अधिक जागा घेतल्या, तिथेच त्यांचे राजकीय गणित चुकणार का, याची धास्ती नेत्यांना वाटू लागली आहे.