Maharashtra Elections: विदर्भात हरियाणा पॅटर्नचे संकेत! पहिल्याच दिवशी 62 जागांसाठी 2 हजारांहून अधिक अर्ज विक्री, कोणाच्या पथ्यावर?

नागपूर : राज्यातील यंदाची विधानसभा निवडणूक वेगळी ठरणार आहे. मागील पाच वर्षात राज्यात वेगळीच राजकीय समीकरणे दिसून आली आहेत. तर, दुसऱ्या बाजूला यंदा जागा वाटपाच्या मुद्यावर बंडखोरीची चिन्हे दिसत आहेत. शिवसेना आणि राष्ट्रवादी काँग्रेसच्या फुटीनंतरची ही पहिलीच विधानसभा निवडणूक असल्याने दोन्ही बाजूंसाठी ही महत्त्वाची निवडणूक आहे. तर, राज्यात विधानसभा निवडणुकीत हरियाणा पॅटर्न राबवला जाण्याची शक्यता आहे. विदर्भातील 62 जागांसाठी 2 हजारांहून अधिक उमेदवारी अर्जांची विक्री करण्यात आली आहे. ही अर्ज विक्री हरियाणा पॅटर्नचे संकेत असल्याची चर्चा सुरू झाली आहे.