Maharashtra Elections Results Karad South : काँग्रेसच्या गोटात चिंता, सुरुवातीच्या मतमोजणीत दिग्गज नेता पिछाडीवर

भारतीय निवडणुकांच्या इतिहासात पहिल्या दोन निवडणुकांचा अपवाद वगळता दक्षिण कराडमधून सातत्याने काँग्रेसचा उमेदवार निवडून येत आहे. पहिल्या दोन निवडणुकांमध्ये शेतकरी कामगार पक्षाकडून यशवंतराव मोहिते यांनी विजय मिळवला होता. त्यानंतर यशवंतराव मोहिते हे काँग्रेस पक्षात आले. 1962 ते 1978 पर्यंतच्या चार निवडणुकीत यशवंतराव मोहिते यांनी काँग्रेसच्या तिकीटावर विजय मिळवला. त्यानंतर 1980 पासून 2009 पर्यंत लागोपाठ सात निवडणुकांमध्ये विलासराव पाटील उंडाळकर दक्षिण कराडचे आमदार म्हणून निवडून आले. 2014 मध्ये तत्कालीन मुख्यमंत्री पृथ्वीराज चव्हाण यांना कराड दक्षिणमध्ये उमेदवारी दिली गेली. तेव्हापासून सलग दोनवेळा पृथ्वीराज चव्हाण कराड दक्षिणचे प्रतिनिधित्व करत आहेत. पण तेव्हापासून पृथ्वीराज चव्हाणांना उंडाळकरांच्या गटाशीही दोन हात करावे लागत आहेत.