लवकर बरं व्हा! संजय राऊतांच्या प्रकृतीत गंभीर बिघाड, उपमुख्यमंत्री एकनाथ शिंदेनी केला फोन, नेमकं काय म्हणाले?

मुंबई : राज्याच्या राजकारणामध्ये सध्या नेते टोकाची विरोधी भूमिका घेताना दिसून येतात. राजकीय नेते एकमेकांवर जोरदार आरोप करत असून खालच्या पातळीवर जाऊन टीका करताना दिसून येतात. मात्र आज राजकारण बाजूला सारून राजकीय संस्कृतीचं दर्शन घडल्याचं बघायला मिळत आहे. शिवसेना नेते आणि राज्यसभा खासदार संजय राऊत यांची प्रकृती अचानक बिघडली असून घराबाहेर पडण्यास मज्जाव केला आहे. पंतप्रधान नरेंद्र मोदींपाठोपाठ, मुख्यमंत्री देवेंद्र फडणवीस आणि आता एकेकाळजी सहकारी उपमुख्यमंत्री एकनाथ शिंदे यांनी संजय राऊत यांचे भाऊ सुनील राऊत यांना फोन करून त्यांच्या तब्यतेची विचारपूस केली आहे