Maharashtra Elections 2024 : महायुतीकडून मुख्यमंत्रीपदाचा चेहरा एकनाथ शिंदे नाही? अमित शहांच्या वक्तव्याने चर्चांना उधाण

प्रशांत लीला रामदास, नवी दिल्ली: महाराष्ट्र विधानसभेच्या निवडणुकीचे बिगुल वाजलं आहे. त्यामुळे आता राजकीय घडामोडींना वेग येणार आहे. महायुती आणि महाविकास आघाडीत जागा वाटपावरून चर्चा सुरू आहेत. तर, दुसरीकडे निवडणुकीनंतर सत्ता आल्यास मुख्यमंत्री कोण असणार याबाबत दोन्ही आघाड्यांकडून थेट भाष्य न करता सावध पवित्रा घेतला जात आहे. दरम्यान, राज्यात निवडणुकीनंतर महायुतीची सत्ता आल्यास विद्यमान मुख्यमंत्री एकनाथ शिंदे हे पु्न्हा मुख्यमंत्री होतील की नाही, याबाबतच्या चर्चांना उधाण आले आहे. केंद्रीय गृहमंत्री आणि भाजपचे ज्येष्ठ नेते अमित शहा यांचे वक्तव्यानंतर ही चर्चा सुरू झाली आहे.