Eknath Shinde : महायुतीमध्ये All Is Not Well, बैठक रद्द करुन शिंदेंनी तातडीनं मुंबई सोडली

मुंबई : राज्यात विधानसभा निवडणुकीत बहुमत मिळाल्यानंतरही अद्याप महायुतीत मुख्यमंत्री कोण होणार हे स्पष्ट झालेलं नाहीय. दिल्लीत भाजपच्या वरिष्ठ नेत्यांसोबत बैठक पार पडल्यानंतर तिन्ही नेत्यांची महाराष्ट्रात बैठक होणार होती. पण महायुतीची ही बैठक पुढे ढकलण्यात आलीय. काळजीवाहू मुख्यमंत्री एकनाथ शिंदे साताऱ्यात त्यांची मूळ गावी जाणार असल्याची माहिती सूत्रांनी दिलीय. महायुतीत मुख्यमंत्री आणि मंत्रिपदांवरून चर्चा सुरू आहेत. या चर्चा सुरू असतानाच शिंदे साताऱ्याला त्यांच्या गावी जाणार असल्याने पुन्हा ते नाराज असल्याच्या चर्चांना उधाण आलं आहे.