Reels बनवली तर निलंबन पक्कं! शासकीय कर्मचाऱ्यांसाठी राज्य सरकारची आली कडक नियमावली

मुंबई: झटपट फेमस होण्यासाठी जो नाही तो इंन्स्टाग्राम आणि इतर सोशल मीडिया प्लॅटफॉर्मवर रिल्सच्या आहारी गेला आहे. तासंतास रिल्स पाहणाऱ्या लोकांचा मोठा समाजाच आता निर्माण झाला आहे. एवढंच नाहीतर खासगी कर्मचारी आणि शासकीय कर्मचारी सुद्धा रिल्सस्टार होण्यासाठी खटाटोप करत असतात. पण  शासकीय यंत्रणेच्या विश्वासार्हतेला गालबोट लागू नये, गोपनीय माहितीचा गैरवापर कधीही होऊ नये आणि कर्मचारी सोशल मीडियावर शिस्तबद्ध पद्धतीने वागतील यासाठी राज्य शासनाने शासकीय कर्मचाऱ्यांसाठी सोशल मीडिया वापराबाबत नवी नियमावली जाहीर केली आहे. सामान्य प्रशासन विभागाकडून यासंदर्भातील परिपत्रक जारी करण्यात आले असून, शासकीय कर्मचाऱ्यांनी सोशल मीडियाचा वापर करताना कर्मचाऱ्यांना नियमावली कटाक्षाने पाळावी नक्की लागणार आहे.