विखे पाटलांचा काय तो रुबाब, काय ती ऐट, जसे एका दिवसाचे मुख्यमंत्रीच! कॅबिनेट बैठकीत हशा, नेमकं काय घडलं?

जलसंपदामंत्री विखे पाटील यांचा कालचा रुबाब देखणा होता, अशी मजेशीर चर्चा राज्यमंत्रिमंडळाच्या बैठकीत झाली. मनोज जरांगे पाटील यांच्यासोबतचा त्यांचा वावर तर एखाद्या मुख्यमंत्र्यासारखा होता.. अहो ते काल एक दिवसाचे मुख्यमंत्रीच होते, असं म्हणताच राज्यमंत्रिमंडळाच्या बैठकीत एकच हशा पिकल्याचं पहायला मिळालं. बैठकीत मुख्यमंत्री देवेंद्र फडणवीस आणि दोन्ही उपमुख्यमंत्र्यांमध्ये रंगलेल्या या संवादाने मंत्रिमंडळात एकच हशा पिकल्याचं पहायला मिळालं.