EVM हॅक करून जिंकून देतो, पैसे द्या नाहीतर..., तरुणाने ठाकरेंच्या उमेदवाराकडे मागितली खंडणी

नाशिक : विधानसभा निवडणुकीची रणधुमाळी सुरू असून नाशिकमध्ये ठाकरे गटाच्या उमेदवाराकडे खंडणी मागितल्याचा प्रकार उघडकीस आलाय. नाशिकमध्ये ठाकरे गटानं माजी आमदार वसंत गीते यांना उमेदवारी दिलीय. वसंत गीते यांच्या कार्यालयात जाऊन एका तरुणाने ईव्हीएम मशिन हॅक करून मी तुम्हाला जिंकून देतो, त्यासाठी ४२ लाख रुपये लागतील. पैसे दिले नाहीत तर मशीन सेट करणारे माझ्या ओळखीचे आहेत. त्यांना सांगून तुमचा पराभव नक्की, असं म्हणत पाच लाखांच्या खंडणीची मागणी केली. पोलिसांनी या प्रकरणी तरुणाला ताब्यात घेतलंय.