Eknath Khadse : पक्षप्रवेशाविनाच भाजप कार्यालयात येत खडसेंनी केलं हे काम; कार्यकर्ते गोंधळात

इम्तियाज अहमद, जळगाव : ज्येष्ठ नेते एकनाथ खडसे पुन्हा भाजपमध्ये प्रवेश करणार आहेत. काही दिवसांपूर्वीच त्यांनी याबाबत घोषणा केली होती. भाजपमध्ये प्रवेश करणार असल्याचं जाहीर केलं असलं तरी एकनाथ खडसेंचा अजूनही पक्षप्रवेश झालेला नाही. मात्र, आता पक्ष प्रवेश झालेला नसताना एकनाथ खडसे यावल येथील भाजपच्या प्रचार कार्यालयात जाऊन बसले. तिथे त्यांनी लोकसभेच्या प्रचाराबाबत भाजपच्या कार्यकर्त्यांना सूचनाही केल्या.