Ajit Pawar Plane Crash: अपघाताच्या 1 मिनिट आधीच विमानाला लँडिंगसाठी क्लिअरन्स, पण पायलटने....; Aviation Ministryची पहिली मोठी प्रतिक्रिया

नागरी उड्डयन मंत्रालयाने स्पष्ट केले की Learjet-45 ला व्हिज्युअल मेटिओरोलॉजिकल कंडिशन्स (VMC) मध्ये लँडिंग करण्याचा सल्ला देण्यात आला होता. म्हणजेच रनवेवरील दृश्यता इतकी होती की पायलटने स्वतःच्या निर्णयक्षमतेवर (visual judgment) विमान जमिनीपासून आणि इतर विमानांपासून सुरक्षित अंतर राखत उतरवणे अपेक्षित होते.

मंत्रालयाच्या म्हणण्यानुसार, विमानाच्या क्रूने वाऱ्याची दिशा आणि दृश्यतेबाबत माहिती मागितली होती. ATCकडून त्यांना वारा शांत असल्याचे आणि दृश्यता सुमारे 3,000 मीटर असल्याचे सांगण्यात आले. यानंतर विमानाने रनवे 11 साठी फाइनल अप्रोचवर असल्याची माहिती दिली. मात्र त्या क्षणी पायलटला रनवे स्पष्ट दिसत नव्हता. त्यामुळे पहिल्या प्रयत्नात त्यांनी ‘गो-अराउंड’ प्रक्रिया सुरू केली.

यानंतर काही क्षणांतच सकाळी 8.44 वाजता ATC अधिकाऱ्यांना रनवे 11 च्या डाव्या बाजूला आगीच्या लाटा दिसल्या. त्या ठिकाणी विमानाचा मलबा कोसळल्याचे स्पष्ट झाले, असे मंत्रालयाने सांगितले.