मौनी रॉयपाठोपाठ आता माजी महिला खासदारासोबत स्टेजवर गैरवर्तन; रागाच्या भरात उचललं मोठं पाऊल!
- Published by:Pratiksha Pednekar
Last Updated:
Mimi Chakraborty Harassment : काही दिवसांपूर्वी अभिनेत्री मौनी रॉयसोबत एका कार्यक्रमात गैरवर्तनाचा धक्कादायक प्रकार घडला. ही घटना ताजी असतानाच आता प्रसिद्ध अभिनेत्री आणि माजी खासदार मिमी चक्रवर्ती हिच्यासोबत अत्यंत निंदनीय प्रकार घडला आहे.
advertisement
advertisement
मिमी चक्रवर्तीला 'नयागोपालगुंज युवक संघ क्लब'ने एका कार्यक्रमासाठी आमंत्रित केलं होतं. ७७ व्या प्रजासत्ताक दिनाच्या पार्श्वभूमीवर हा सोहळा रंगला होता. मिमी स्टेजवर परफॉर्म करत असताना, प्रेक्षक तिच्या गाण्यावर आणि नृत्यावर थिरकत होते. पण अचानक आयोजकांनी तिला कोणतीही पूर्वकल्पना न देता स्टेज सोडून जाण्यास सांगितलं. एका कलाकाराला भर प्रेक्षकांसमोर अशा प्रकारे अपमानित करणं हा प्रकार तिथे उपस्थित असलेल्या चाहत्यांनाही खटकला.
advertisement
मिमीने सोशल मीडियावर एक लांबलचक पोस्ट लिहून आपली व्यथा मांडली आहे. ती म्हणाली, "मी केवळ अपमान सहन करून शांत राहिले नाही, तर जेव्हा मी स्टेजवरून खाली उतरत होते, तेव्हा माईकवर माझ्याबद्दल अत्यंत गलिच्छ आणि अपमानजनक टिप्पणी करण्यात आली. तिथे अनेक चाहते माझ्यासोबत फोटो काढण्यासाठी आणि मला भेटण्यासाठी आले होते, त्यांच्यासमोर माझी प्रतिमा मलिन करण्याचा हा जाणीवपूर्वक केलेला प्रयत्न होता."
advertisement
एका बाजूला आपण देशाच्या स्वातंत्र्याचा आणि समतेचा उत्सव साजरा करत असताना, दुसऱ्या बाजूला महिला कलाकार आजही सुरक्षित आणि सन्मानित नाहीत, याबद्दल मिमीने तीव्र संताप व्यक्त केला आहे. ती पुढे म्हणाली, "मी माझं करिअर आणि ओळख स्वतःच्या कष्टाने निर्माण केली आहे. जर आज मी गप्प बसले, तर उद्या पुन्हा कोणत्याही कलाकारासोबत असाच व्यवहार होईल. स्टेजवर स्वतःच्या प्रतिष्ठेशी मी तडजोड करू शकत नाही."
advertisement
advertisement
मौनी रॉय आणि आता मिमी चक्रवर्ती यांसारख्या मोठ्या अभिनेत्रींसोबत जर सार्वजनिक कार्यक्रमात असं घडत असेल, तर सामान्यांचं काय? असा प्रश्न आता सिनेसृष्टीतून विचारला जात आहे. कोणत्याही इव्हेंटमध्ये महिला कलाकारांची प्रतिष्ठा जपणं ही आयोजकांची प्राथमिक जबाबदारी असते, पण इथे चक्क आयोजकच वादाच्या भोवऱ्यात सापडले आहेत.









