...अन् थेट नरडं दाबायला केली सुरुवात, नागपुरात पेट्रोल पंप लुटीचा धक्कादायक VIDEO

नागपूर: नागपुरातील माटे चौक परिसरात एक धक्कादायक घटना घडली आहे. पेट्रोल पंपावर आलेल्या काही गावगुंडांनी पेट्रोल पंपावरील कर्मचाऱ्यांना लुटण्याचा प्रयत्न केला आहे. आरोपींनी पंपावरील कर्मचाऱ्यांना धमकी देत मारहाण केली. तसेच चाकुचा धाक दाखवत पेट्रोल पंप लुटण्याचा प्रयत्न केला. दरम्यान, पंपावरील इतर कर्मचारी सावध झाले, त्यांनी मध्यस्थी केल्यानंतर आरोपींनी घटनास्थळावरून पोबारा केला. पेट्रोल पंप लुटीचा हा सगळा धक्कादायक प्रकार सीसीटीव्ही कॅमेऱ्यात कैद झाला असून याचा व्हिडीओ सोशल मीडियावर व्हायरल होत आहे.