पंतप्रधान मोदींनी केलेल्या 'भटकती आत्मा' टीकेवर भुजबळांची पहिली प्रतिक्रिया समोर, म्हणाले...

नाशिक, लक्ष्मण घाटोळ, प्रतिनिधी : महायुतीचा नाशिक लोकसभा मतदारसंघाचा तिढा अजूनही सुटलेला नाहीये. सुरुवातीला मंत्री छगन भुजबळ यांचं नाव चर्चेत होतं. मात्र त्यांनी लोकसभा निवडणुकीतून माघार घेतली. भुजबळ यांनी माघार घेतल्यानंतरही अद्याप नाशिकमधील महायुतीच्या उमेदवाराची घोषणा झालेली नाहीये. यावर बोलताना कदाचित एक दोन दिवसांत नाशिक लोकसभा मतदारसंघातील महायुतीचा उमेदवार जाहीर होईल असं भुजबळ यांनी म्हटलं आहे. सोबतच त्यांनी पंतप्रधान नरेंद्र मोदी यांनी राष्ट्रवादी शरदचंद्र पवार पक्षाचे अध्यक्ष शरद पवार यांच्यावर केलेल्या टीकेवर देखील प्रतिक्रिया दिली आहे.