मुलांची भेट ठरली शेवटची, नागपुरात अजित पवार गटाच्या महिला नेत्याचा भीषण अपघात, जागीच मृत्यू

राष्ट्रवादी काँग्रेसच्या अजित पवार गटाच्या महिला प्रदेश उपाध्यक्षा आणि सामाजिक कार्यकर्त्या, आधारविश्व फाउंडेशनच्या अध्यक्षा गीता सुशील हिंगे (५३) यांचं गडचिरोली-नागपूर महामार्गावर मध्यरात्री झालेल्या भीषण अपघातात जागीच निधन झालं. या अपघातात त्यांचे पती सुशील हिंगे (५७) गंभीर जखमी झाले असून त्यांच्यावर नागपूरमध्ये उपचार सुरू आहेत. या दुःखद घटनेने गडचिरोली जिल्ह्यावर शोककळा पसरली आहे.