बंगळुरु- मुंबई मार्गावर नवी सुपरफास्ट एक्सप्रेस धावणार, नवा मार्ग कसा असणार?

यामुळे बेळगावहून मिरज- सांगलीमार्गे मुंबई आणि बंगळुरुसाठी आता आणखी एक सुपरफास्ट एक्स्प्रेस मिळणार आहे. मागील 30 वर्षांपासून या दोन शहरांना जोडणारी उद्यान एक्प्रेस सोलापूर- गुंटकलमार्गे धावत आहे. आता त्या सुपरफास्ट एक्स्प्रेसनंतर आणखी एक सुपरफास्ट एक्स्प्रेस सोलापूरकरांना मिळणार आहे.

आता या नव्या एक्सप्रेसद्वारे बेळगाव, हुबळी, धारताड, हावेरी, दावणगेरी हे जिल्हे ही जोडणार आहेत. शिवाय बेळगावमधून ही नवी सुपरफास्ट एक्स्प्रेस मुंबईसाठी उपलब्ध होईल. बंगळुरुमधून मुंबईसाठी मिरज- सांगलीमार्गे धावणाऱ्या गाड्यांमध्येही मिरजेसाठी मोजकाच कोटा आहे. तो सुद्धा यामुळे वाढणार आहे.

रेल्वेच्या वेळापत्रकाबाबतचा तपशील अद्याप समोर आलेला नाही. तसेच या नव्या गाडीमुळे सांगली- मिरजेच्या प्रवाशांची सोय होणार आहे. सध्याच्या गर्दीवर उपाय म्हणून ही गाडी उपयुक्त ठरेल असे मध्यरेल्वे मुंबई क्षेत्रीय सल्लागार समितीचे सदस्य किशोर भोरावत यांनी सांगितले.