'नो PUC, नो पेट्रोल', सरकारचा मोठा निर्णय; पण अंमलबजावणी कधी होणार? वाहनधारकांनो, ही बातमी वाचाच!

Nashik News : राज्यातील वाढते प्रदूषण रोखण्यासाठी परिवहन मंत्री प्रताप सरनाईक यांनी एक मोठा निर्णय जाहीर केला आहे. यापुढे ज्या वाहनांकडे प्रदूषण नियंत्रण प्रमाणपत्र (PUC) नसेल, अशा वाहनांना पेट्रोल पंपावर इंधन दिले जाणार नाही. या नियमाची अंमलबजावणी करण्यासाठी पेट्रोल पंपांवर प्रत्येक वाहनाचा क्रमांक स्कॅन करण्याची योजना आहे. मात्र, या निर्णयाबद्दल प्रादेशिक परिवहन कार्यालय (RTO) आणि पेट्रोल पंप चालकांना अद्याप कोणत्याही अधिकृत सूचना मिळालेल्या नाहीत.