चिकन मागितल्याने संताप अनावर, जन्मदातीने 7 वर्षांच्या चिमुकल्याचा घेतला जीव

राहुल पाटील, प्रतिनिधी पालघर: पालघर जिल्ह्यातील धनसार येथे एक हृदय पिळवटून टाकणारी घटना समोर आली आहे. इथं एका महिलेनं आपल्या सात वर्षांच्या मुलाची हत्या केली आहे. सात वर्षीय मुलाने आपल्या आईकडे चिकनची मागणी केली होती. पण यानंतर संतापलेल्या आईने थेट मुलाचा जीवच घेतला. तिने चपाती लाटायच्या लाटण्याने मुलाला जबरी मारहाण केली. लाटणं डोक्यात लागल्याने मुलाचा करुण अंत झाला आहे. या प्रकरणी धनसार पोलीस ठाण्यात गुन्हा दाखल करण्यात आला आहे.