Satara Doctor: 4 मुद्दे अन् 2 पुरावे, महिला डॉक्टरवर खासदारांचा दबाव का होता? दानवेंकडून सगळी कुंडली बाहेर

सातारा जिल्ह्याच्या फलटण येथील उपजिल्हा रुग्णालयातील महिला डॉक्टरने आत्महत्या केल्याने महाराष्ट्रातील राजकीय वातावरण तापलं आहे. काही दिवसांपूर्वी महिला डॉक्टरने लिहिलेलं एक पत्र समोर आलं आहे. ज्यात त्यांनी खासदाराचा दबाव असल्याचा उल्लेख केला आहे. हे पत्र समोर आल्यानंतर ठाकरे गटाचे नेते अंबादास दानवे यांनी भाजपचे माजी खासदार रणजीतसिंह नाईक निंबाळकर यांच्यावर गंभीर आरोप केले आहेत. त्यांचाच महिला डॉक्टरवर राजकीय दबाव होता, असा आरोप त्यांनी केला आहे. यानंतर निंबाळकर यांनी सर्व आरोप फेटाळून लावले आहेत.