अमित शाह यांच्यासमोरच पोलीस कर्मचाऱ्याकडून मिसफायर, अजितदादांच्या अंत्यसंस्कारावेळी घडला प्रकार, VIDEO

उपमुख्यमंत्री अजित पवार यांच्या निधनाने महाराष्ट्र आधीच शोकाकुल असताना, त्यांच्या अंत्यसंस्कारावेळी एक अत्यंत धक्कादायक प्रकार घडला. बारामतीमध्ये विद्या प्रतिष्ठानच्या मैदानावर शासकीय इतमामात अंत्यसंस्कार सुरू असताना, पोलिसांकडून सलामी दिली जात होती. या सलामी दरम्यान एका पोलीस कर्मचाऱ्याच्या बंदुकीतून मिसफायर झालं. ज्या ठिकाणी हा प्रकार घडला, तिथून काही अंतरावरच केंद्रीय गृहमंत्री अमित शाह यांच्यासह अनेक दिग्गज नेते उपस्थित होते. इतकंच नाही तर पार्थ पवार आणि काही जण अजित पवार यांच्या पार्थिवाजवळ थांबले होते. मोठा अनर्थ घडला असता मात्र सुदैवानं मिसफायर झालेली गोळी कुणाला लागली नाही. या घटनेने सुरक्षेचा प्रश्न ऐरणीवर आला आहे.