Raj Thackeray : 'पाटील चालेल-पटेल नको', राष्ट्रवादीत वेगवान घडामोडी, राज ठाकरेंचं रोखठोक ट्विट

मुंबई : अजित पवार यांच्या अपघाती निधनानंतर पक्षाचे, कुटुंबाचे आणि उपमुख्यमंत्रिपदाचे काय होणार? पुढची वाटचाल कशी असणार? असे प्रश्न महाराष्ट्राला पडले होते. परंतु अजित पवार यांचे पक्षातील सहकारी ज्यांना दोन्ही राष्ट्रवादींचे विलीनीकरण नको होते, त्यांनी सुनेत्रा पवार यांच्यापुढे उपमुख्यमंत्रिपदाचा प्रस्ताव ठेवला आणि त्यांचा होकार मिळवून शरद पवार यांना मोठा शह दिला. अजित पवार यांना जाऊन ७२ तास उलटत नाही तोच सुनेत्रा पवार यांनी उपमुख्यमंत्रिपदाची शपथ घेतली. दुसरीकडे राष्ट्रवादीच्या राष्ट्रीय नेतृत्वासाठी अर्थात राष्ट्रीय अध्यक्ष या पदासाठी प्रफुल पटेल स्पर्धेत असल्याची चर्चा सुरू झाली. या घडामोडी एवढ्या वेगात घडल्या की सर्वसामान्यांचे डोळेही विस्फारले. कदाचित बदललेल्या राजकारणाचा वेग याला कारणीभूत असावा. या सगळ्या घडामोडींच्या पार्श्वभूमीवर मनसे अध्यक्ष राज ठाकरे यांनी रोखठोक ट्विट करून आपली भूमिका मांडली आहे.