राजगुरुनगरमध्ये खासगी शिकवणी क्लासमध्ये खून, प्रशासन खडबडून जागे, मोठा निर्णय घेतला

सचिन तोडकर, प्रतिनिधी, राजगुरुनगर/पुणे : पुण्याच्या राजगुरुनगर शहराला हादरवून सोडणाऱ्या खासगी शिकवणी क्लासमधील दहावीच्या विद्यार्थ्याच्या हत्येच्या घटनेनंतर प्रशासन खडबडून जागे झाले आहे. वर्गातील मित्राने चाकूने वार करून विद्यार्थ्याची हत्या केल्याची धक्कादायक घटना घडल्यानंतर, खेड पंचायत समितीच्या शिक्षण विभागाने खासगी शिकवणी क्लासेसच्या सुरक्षेचा तातडीने आढावा घेण्यास सुरुवात केली आहे.