अंजली दमानिया यांचे पती सरकारची थिंक टँक 'मित्रा'च्या मानद सल्लागारपदी, रोहित पवारांच्या खोचक शुभेच्छा

मुंबई : राजकीय पुढाऱ्यांच्या भ्रष्टाचाराची प्रकरणे असो किंवा विविध सामाजिक विषयांवर आवाज उठवणाऱ्या अंजली दमानिया चर्चेत आल्या आहेत. पण यावेळी निमित्त ठरलेत त्यांचे पती अनिश दमानिया! अनिश दमानिया यांची राज्य सरकारच्या मित्रा या प्रोजेक्टमध्ये मानद सल्लागारपदी नियुक्ती करण्यात आल्याची पोस्ट रोहित पवारांनी केली. स्थानिक आणि जागतिक गुंतवणूक आकर्षित करण्यात वित्त क्षेत्रातील अनुभवी अनिश दमानिया यांची भूमिका महत्त्वाची असेल. याच पार्श्वभूमीवर रोहित पवार यांनी अनिश दमानिया यांना खोचक ट्विट करून शुभेच्छा दिल्या आहेत. रोहित पवारांच्या ट्विटवर अंजली दमानिया यांनीही उत्तर दिले आहे.